xoves, 24 de decembro de 2015

Non hai Nadal sen Asemblea!!

 
Ai, e pensabades que andabamos esquecidas de vós?? NOON!!

Hoxe ceade ben coas familias, ou tomade um bocata de alcriques se pasades das festas natalicias... 
Aguardade polo Pai Natal, ou o Apalpador ou o Pandigueiro, entregade presentes à fillas, sobrinhas e netas. E comede moito. Moito. 
E manhá erguédevos con gana de máis familia e maáis fillas e máis sobrinhas e máis netas. Enchoupádevos de amor fraternal e durmide a resaca parenteleira...

QUE O SÁBADO HAI ASEMBLEA DA ACD DORNA!

DIA: 26 de decembro
HORA: 17.30
LUGAR: Escola de Pau. 
ORDE DO DÌA: 
  1. Estado de contas
  2. Proxectos de futuro
  3. Rolda de Intervencións 






xoves, 10 de decembro de 2015

Concurso!!

E mandan aviso as companheiras (unha chea de seccións somos em Dorna Arousa) do Grupo de Baile e Música Tradicional Dorna, a gholpe de ghuasá, de que convocan un certame internacional (podedes vir as da ponte palá) de tocadoras e cantadoras de pandeireta. 
Xa o sabedes, 

se eu toco a pandeireta
se a pandeireta toco
se eu toco a pandeireta
é por divertirme um pouco

que pasado à língua das que tirades máis polo fúmbol, quere dicir algo así como "o importante é participar". 

[aproveitade que as Correolas incumpren as bases para buscar a victoria ;) ]


martes, 8 de decembro de 2015

I Gala Podrén

Como xa acabou a crise, seique, este ano na ENT Dorna botamos por fóra. E seguindo as chamadas ao ánimo e à aleghria de Rajoy, argallamos uma superfesta para entregar os carnetes da Escola às novas asociadas. 

Fixemos convites, que distribuimos entre toda a nosa xente, simpatizanta ou non, e pedímoslle ao Concello o Auditorio. Como sempre, tan colaboradorinho, o Concello emprestou. 

Ghuaue! para ser a primeira vez que faciamos a Gala Podrén, moito público xuntamos!!

Algún era da casa, claro!!
Encargamos a Lino McGuiver a decoración do escenario, e cunhas nasas por aquí, unhas redes por alá, uns crivos acolá, oe!, deixounos o chiringuito estupendo. 

E desde cando o chinchorro ten de nome Mucha??!!

Unha vez cadaquén no seu sitio, comezamos!!

Para que a cousa fose atractiva e entretida, e non parecese un acto mazador, socias de sabida veteranía e experiencia gravaron uns simpáticos vídeos, que xa publicitaremos na nosa canle do yutú, narrando anécdotas e sucesos curiosos acontecidos na historia da ENT Dorna

Téibol lembrounos aqueles tempos en que era xuiz de regatas, e tantas ofertas recibía de viaxes ao Caribe e cruceiros polo Mediterráneo por descualificar unha dorna ou adiantar outra. Aaah, ben puido facerse rico, e non quixo. 
 
Entre bateas!

E falou George, de como chegou de Ghana contratado pola Dorna Real Team para patronear a Faneca, e como quedou na Arousa para sempre, apaixonado das súas praias e fresquinhas augas.

E máis vídeos...
Outro estranxeiro, este chegado de Inglaterra, Carlos Blanco, contou como chegou à Arousa, cando aínda era reporteiro deportivo na Radio Galega, para retrasmitir a XV Volta à Arousa. Narrou como a planeadora na que seguían a regata engharghallou nas barbas de raposo e acabou a retrasmisión desde a Estela, que daquela ía de novena, miragre! Moito rimos cos seus contos!!
 
Claro é, os podréns mereceron un protagonismo especial: eles tinhan que, vestidos para a ocasión, demostrar, presentando a Gala, se merecían ou non o carnete de socio.  

O Marquitos e o Jose Antonio aínda se saban ben...

Un deles, o Marcos, andaba dálle que dálle con que era da Arousa de toda a vida, carcamán repoludo. A nós quedounos a dúbida, porque nunca antes o viramos por aquí, porque non sabía o que era a proa nin a popa e porque nin sequera soubo dicirnos por que nome corre a súa familia, e mira que o tinha fácil...

E seghimos a ver vídeos de xentes da ENT Dorna
Thais contou como foi ela a primeira muller en ganhar unha Regata de Bao, no ano 2010, despois de aparellar a dorna Reghalada en 28 segundos e pasar na ponte à Jalerna e à Nécora. Aproveitou para levarnos ao Obradoiro de Memoria que coordina, onde as vellas glorias da Arousa contaron daquelas Regatas a Remos dos anos 70... ai, tempos!!

E chegou o momento importante: o de retrasmitir a proba final do curso de iniciación à navegación tradicional. Aprobarían estes rapacinhos novos? 

Pregunta 5: que tipo de embarcación é a Nova Marina?

Herr Direktor por fin se dignou a sacalos do apuro: foi repasando erros e acertos do exame (que o que hai no escenario é poliéster, podréns!!). 

- Aínda non vos quedou claro o que é couso e meo...
Porén, como a noite foi divertida e Kevin e o Puskas puxeron da súa parte para dicir con e non penedo, decidimos darlles os carnetes e admitilos na familia dorneira. 

Entrega oficial dos carnetes correspondentes ao ano 2015.
Aínda pasaron máis soci@s da ENT Dorna polo escenario, pero como chegadas a este punto non temos máis fotos, que aquí o cámara nos botou a bronca, pois demos por acabada a I GALA PODRÉN. 

Para o ano, máis (se a crise é verdade que acabou)!
 

xoves, 3 de decembro de 2015

Estamos trabahando en ellou!!

...como dicía o Ánsar...

ídevos preparando que María e Madalena andan listas!!



mércores, 2 de decembro de 2015

A visita

Durante o mes da tecnoloxía, mes de grandes traballos innecesarios para sacar adiante unha familia mas esenciais para o progreso da humanidade, ademais de traballar, recibimos visitas. 

E se unha panda tan enxenhosa como a dorneira hai no mundo (televisivo) é a do Era Visto. E así, o Moncho enviou desde Lamoso ao Kevin e ao Puskas para veren como traballabamos na ENT Dorna, e aprender algo con xeito dunha vez.

Porfavorinho! Que me vas dicir!!, exclamou Herr Direktor.
Ou serían outras persoas as que vinheron? Ai, isto da dupla personalidade actoril fai que as nosas cabecinhas non paren!!!

Nestes días quedaranos clara a identidade destes AVNIS: Actores Visitantes Non Indentidicados (claramente).