domingo, 30 de xullo de 2017

I CONCURSO DE FOTOGRAFÍA E.N.T. DORNA



¿E unha regata ou o rescate dalgún que vai polo mar abaixo?

¿Son jamelas?, ¿bucetas? ¿botes? ¿dornas?

 Para sair de dudas chega o 

I CONCURSO DE FOTOGRAFÍA E.N.T. DORNA

Queremos que nos mostres como nos vés. 
Envía as tuas fotos antes do Xóves 24 de Agosto o e-mail colabora.dorna@gmail.com e participa.


BASES I CONCURSO DE FOTOGRAFÍA E.N.T. DORNA

Participantes:
Podrán participar todalas persoas que o desexen, sexan profesionais ou aficcionados sempre que os traballos se axusten as bases. As fotografías podrán ser tomadas con calquer dispositivo xa que a resolución non será unha restricción.

Temática:
Establecense duas modalidades:
1. Regata do Vao 2017. Imáxes entendidas libremente polo autor que teñan como referencia calquer aspecto da regata de dornas a vela a celebrar o 5 de agosto (riqueza paisaxistica, cultural, artísca, deportiva, humana, etc...)
2. Fotografías con historia. Imáxes con máis de 15 anos representativas da navegación tradicional a vela na Illa de Arousa

-       As obras entregadas deben ser orixinais e os participantes autorizan expresamente o seu uso parcial ou total pola Asociación cultural e deportiva Dorna.

Formato de inscripción:
- Para participar deberá enviar as suas fotos en cor ou branco e negro antes do 10 de Agosto de 2017 o e-mail: COLABORA.DORNA@GMAIL.COM indicando, nome do autor, teléfono,  lugar onde se obtuvo,  categoría a que postula e título de la obra.

- Podense enviar todalas fotografías que considere anque so se aceptarán a concurso un máximo de 2 fotografías por autor.

Xurado:
- O xurado estará composto por representantes da E.N.T. Dorna e algúns participantes da regata Regata do Vao 2017

Premios
- Categoría regata do Vao 2017
1º premio: diploma acreditativo, foto no cartel da regata do vindeiro ano e tarde de navegación para 2 persoas
2º premio: diploma acreditativo, camiseta da regata, tarde de navegación para 2 persoas                   
3º premio: diploma acreditativo, tarde de navegación para 2 persoas                                         

 
- Categoría fotografías con historia:
                1º premio: diploma acreditativo camiseta da regata, tarde de navegación para 2 persoas
                2º premio: diploma acreditativo, tarde de navegación para 2 persoas
                3º premio: diploma acreditativo

Observacións:

Agradecese o envío de calquer documentación(fotos, videos, documentos...) para a creación dun arquivo dixital común.

A participación neste concurso implica a total aceptación das bases reguladoras do mesmo.

venres, 17 de febreiro de 2017

I REGATA DA TEMPADA: Ribeira do Chaso



Pois si. Este ano deunos pro aí: o Luns 27 de Febreiro agardamos por vós na Ribeira do Chazo para a primeira regata na banda do sur (da Arousa).



e para quen non as lembre desde a Regata do Marisco (boh, tampouco foi hai tanto tempo!), lembramos as normas de regata. Nin Entroido nin punhetas! Hai que respetar a seguridade: chaleques, remos e flotabilidade!!




luns, 6 de febreiro de 2017

Que andaredes a facer??!!

O inverno é longo e frío. E para quecer nada hai mellor que pór a andar as neuronas. Pensar para mellorar o mundo. 

Comezando polos bancos de carpinteiro...
Fartas de serraduras? Até a punta do curuto de cambiar táboas podres? Aborrecidas da ghuvia, o formón, a lixadora??

TRANQUILAS!

O equipo JAI-TEC da ENT Dorna traballa nos seus laboratorios secretos nos fondos das NASAS, para conseguir os materiais máis acaídos aos tempos modernos que vivemos... 

Aínda non conseguimos eliminar a madeira toda...
Pero case!

Axudadas pola maquinaria máis sorprendente (sabiades que existía isto? nós, ignorantinhas,  non)
Estamos a dar forma a un novo modelo de dorna... 
...fabricado nun innovador material formado por varias capas de papel superpostas, a base de fibra virxe, tamén chamada polpa. É tan groso, duro e resistente como a madeira, e non lle entra a couza. 

É máis fácil de traballar que o pinheiro...
E sen serraduras que incomoden às alérxicas!
Cremos que na próxima regata serán as novas dornas as que ganhen todos os trofeos... 

Protótipo JAI-TEC RECYCLING
O da auga estamos a miralo, pero cremos que cunhas pinturinhas de témpera van deslizarse pola tona da auga como prinsesas... 



xoves, 8 de decembro de 2016

Elecións, elecións!!!!

Pero para que sexan, 

Asemblea! Asemblea!! Asemblea!!!


Manhá (si, manhá, que pasa, avisamos cando podemos!) 9 de decembro, na Sala de Plenos do Concello da Arousa (iso é nivelito, imos ocupando espazos...) 
às 17.30 horas en primeira convocatoria, às 18.00 horas en segunda (escusades chegar à primeira, claro!) 
teremos ASEMBLEA EXTRAORDINARIA DA ACD DORNA, na que trataremos os seguintes pontos: 

  1. Aprobación da acta anterior
  2. Estado de contas e
  3. CONVOCATORIA de NOVAS ELECCIÓNS

Queres ser PRESIDENTA da ACD Dorna? Este é o teu momento!! O de manhá é o teu día!!

A ver se xuntamos tanta xente como o equipo diretivo rebelde do IES ;) (A foto do FdV.)

luns, 28 de novembro de 2016

Aqueles tempos Insubmisos

As máis novas non lembrades, porén non hai tanto tempo os mozos deste país tinhan que render contas militares e pasar parte das súas vidas aprendendo a matar e morrer pola(s) patria(s) encerrados en cuarteis. 
As máis novas non o lembrades, porén chegaron tempos en que a sociedade dixo que xa estaba ben e un bo grupo de mozos se negou a participar desas modernas levas, emerxendo o movemento antimilitarista e de insubmisión. 

E como o 9 de decembro, no Auditorio da Arousa imos poder ver a obra teatral Goldi Libre, memorias dun insubmiso en tempos de Felipe González, ocorréusenos vir contar desas outras hisstorias da mili, as daqueles que non quixeran ir a ela. 

Así que o 1 de decembro, ás 18.00 horas, no Con do Moucho, vanse xuntar unha panda de insubmisos dentro e fóra dos cuarteis para contar as súas experiencias e lembrar às novas, que xa non lembrades, que por eles viver condenados, vós non estades obrigadas a facer servizo militar. 

Xuntaranse no evento: 
  • César Goldi, insubmiso condenado e actor
  • Elías Rozas e Ramiro Paz, insubmisos nos cuarteis e condenados polo rexime militar
  • Manuel Seixas, filósofo antimilitarista
  • Carlos Blanco, insubmiso autoinculpado

Achegádevos e sabede da historia deste país. 


domingo, 2 de outubro de 2016

Unha marinha para a Nova Marina

... e para as demais embarcacións, claro!

É máis, para todas!!

E para conseguilo venhen de xuntarse, cousa nunca vista, as asociacións todas que na Arousa protexen e difunden e practican e celebran a navegación tradicional: Fasquía, Calmoseira, Komaira, Caramuxo e Dorna. Só por iso, por ser quen de porse as cinco de acordo, deberían facernos caso. 

A proposta e crear unha marinha tradicional no espazo do Chufre que hoxe ocupan as planeadoras e que seique van librar proximamente porque seique Portos por fin vai atender as súas reclamacións dun abrigo digno para os barcos da terceira listaxe. Seique.

Ai, eses pantalancinhos cheos de dornas!! Quen os verá!!

Saímos todas ganhando: quen vive do mar, porto digno, quen mantén viva a navegación tradicional, porto digno. 

Que vaia avante! 

Para as que queirades saber máis do asunto, podedes ler aquí.

martes, 30 de agosto de 2016

Festa do Mar en Combarro: actividades

Vale, vale, ir a Combarro si, mais para que? andades a preguntarnos todas através do noso servizo de consulting internáutico.

Comprenderedes que non organizamos travesías por mar ou terra, a vela ou a remolque, para despois andar só aos vermús e ás papatorias. Que va! Para iso xa están o resto das festas da Galiza sen necesidade de traballos!

Temos que aclarar que habitualmente, Concentracións e Encontros de Navegación Tradicional chegan cargados de actividades paralelas, exposicións, regatas, obradoiros, concertos, que xustifican o esforzo de ir e vir. Nisto, a xente da Reiboa, esmerouse, como todos os anos.

De toda a programación do fin de semana son tres as actividades que máis destacamos, por intensidade, beleza e interese intelectual:

1. A espionaxe tradicional    


O principal é achegarse aos pantaláns para saber que utilizan as outras asociacións para que as súas embarcacións naveguen mellor que as nosas. E sen que se dean conta, claro, que nunca imos admitir diante doutra asociación, mesmo estando na FGCMF, que navegan mellor que nós. Porfavorinho!!

Ti fai coma quen mentres eu lles miro o choio

Ah, eles conectan o balancín co pistón usando un as de guía....
- E colocan os amortecedores na cornamusa de meo!
- Pois nesta traínha de ir às patacas tenhen o cárter de aluminio anodizado!
- Pero mira, dáslle así un nada co pé e desestabilisa!

- Caralha! Esta aínda vai con freo de tambor!!
Moitas ideas trouxemos para a armada da Arousa!

2. Ganhar regatas a remos


Si, é algo que facemos moito na ENT Dorna, porque somos así...

Conversa 1: 
- Oe, en Dorna tinhades que meter alguén na Regata, ouh, que anda o Anxo de Portonovo reclamando o premio por adiantado... Como sempre ganha el...
- Tranquilo. Este ano non ganha, que venhen os nosos piraghueiros. Non é por presumir, é que sempre que van, ganhan... 

Conversa 2: 
- Imos ao café. Avisade cando comece a regata!

Café Café Café Café Café Café Café Café Café Café Café Café

- Ei, que é aquilo que se ve alí? 
- Onde?  

- Alí, virando na boia!
- Merda! É a reghata! E van primeiros os piraghueiros! 
- E ninguén avisou!

E por iso non podemos contar como foi o comezo... Faláronnos dunha dunha buceta traveseira, que só navega en diagonal, mais non sabemos moito do conto....

Alá no fondo, os bandalhos librando da buceta...
... e que desta vez, Anxo non ganhou....

Luis, onde estás, que non recolles o premio!!

3. Ver embarcacións tradicionais


Quizás a actividade mellor que podemos facer: gozar da variedade de tipoloxías e fasquías que temos no patrimonio marítimo galego. 

Unha actividade de balde, ademais ;)
A Bicoca saíndo ao paseo...
Velas de relinga e velas cangrexas
Dando a volta a Tambo...
... ou abrigadas no pantalán
E sempre voltar a ver a xoia da coroa (para nós, claro)

Patrimonio marítimo entre destrucións marítimas
Que pena que o Ave de Paso tenha de fondo a Celulosa e o recheo ilegal do Porto de Marín... Nós a coidar do noso patrimonio e aquelas que nos gobernan a destruilo... En fin!

Para iso están Concentracións e Encontros!